مساء الخير والإحساس والطيبـة
مسـاءٍ مايلـيـق إلا بأحبـابـي
مساءٍ غير غصـن لطيـر يحكيبـه
عن اللي مسكنه جفنـي وأهدابـي
هلا باللـي أحبّـه كثـر تعذيبـه
وكثر ماهو يغيب وكثر ترحابـي
حبيبي هو ولـو ماقصّـر الغيبـة
ولو عن بسمتي قد طـوّل غيابـي
أعرفـه زيـن وعيتنـي أساليبـه
عدوي يوم ويوم أقرب من أصحابي
ملكنـي بيـن ترغيبـه وترهيبـه
يفارقني وهو واقـف علـى بابـي
به الصادق به الغـارق بأكاذيبـه
يبي بعـدي ودمعـه بلـل ثيابـي
به القسوة بـه الرقـة بـه الهيبـه
به الضعف القوي به نشوة اغضابي
هلا باللي يصيب العطـر بالريبـة
يقول العطر أنـا زايـل ويبقابـي
هلا باللي يقول الورد وش لي بـه
من المُهدى أنـا أو هـو لأطيابـي
هلا باللي علي يقسـى وأماريبـه
هلا باللـي أبـد مـالان لعتابـي
هلاباللي عجزت ألقـى عذاريبـه
هلا باللـي تحبـه كـل أسبابـي
مساءٍ فاق كل الشعـر ترحيبـه
بجيّة من سكـن جفنـي وأهدابـي
مساءٍ فاض بالإحساس والطيبـة
مسـاءٍ مايلـيـق إلا بأحبـابـي
انغام الحب والحنان 
موضوع: مساء الخير والإحساس والطيبـة 
الأربعاء سبتمبر 28, 2011 1:16 pm
